‘कृषिसम्बन्धी बृहत् अन्तर्राष्ट्रिय प्रदर्शनी’ को तयारी पूरा, भारत, चीनलगायत १५ देशका १५० बढी स्टल रहने

‘कृषिसम्बन्धी बृहत् अन्तर्राष्ट्रिय प्रदर्शनी’ को तयारी पूरा, भारत, चीनलगायत १५ देशका १५० बढी स्टल रहने

इ-परेवा

@Eparewa

२०७५ माघ ८ गते मङ्गलबार ०८:०१

भरतपुर-चितवन प्रदर्शनी केन्द्रमा आयोजना हुन लागेको ‘कृषिसम्बन्धी बृहत् अन्तर्राष्ट्रिय प्रदर्शनी’को तयारी पूरा भएको छ । यही माघ ११ गतेदेखि शुरु भई तीन दिनसम्म सञ्चालन हुने छ । प्रदर्शनीमा नेपाल, भारत, चीनलगायत १५ देशका १५० भन्दा...

भरतपुर-चितवन प्रदर्शनी केन्द्रमा आयोजना हुन लागेको ‘कृषिसम्बन्धी बृहत् अन्तर्राष्ट्रिय प्रदर्शनी’को तयारी पूरा भएको छ । यही माघ ११ गतेदेखि शुरु भई तीन दिनसम्म सञ्चालन हुने छ । प्रदर्शनीमा नेपाल, भारत, चीनलगायत १५ देशका १५० भन्दा बढी कृषिसँग सम्बन्धित स्टलमा ४०० प्रकारका उत्पादन रहने छन् ।सो अवसरमा मिडिया स्पेस सोलुसन्सका प्रबन्ध निर्देशक श्रीजल भट्टराईले मेलामा कृषिका कुखुरापालन, माछापालन, गाईभैँसीपालन, बाख्रापालन, डेरीलगायत नवीनतम औजार, उपकरण, केरा खेती, थोपा सिँचाइ र विषादीरहित कृषिका बारेमा तालीम एवं गोष्ठी सञ्चालन गरिने जानकारी दिनुभयो ।

प्रदर्शनमा देशभरबाट बढीभन्दा बढी उद्यमी, अनुसन्धान कर्ता, विद्यार्थी, सङ्घ संस्थाका प्रतिनिधिलगायतको उपस्थिति रहने विश्वास लिइएको भट्टराईले बताउनुभयो । प्रदर्शनीमा प्रधानमन्त्री कृषि आधुनिकीकरण परियोजनाका साथै अखिल नेपाल किसान महासङ्घ, राष्ट्रिय कृषक समूह महासङ्घ, नेपाल कृषि सहकारी केन्द्रीय सङ्घ लि, नेपाल पोल्ट्री महासङ्घ, चितवन उद्योग सङ्घलगायत संस्थासँग आबद्ध कृषक तथा व्यवसायीसमेत सहभागी हुने जनाएको छ ।

प्रकाशित मिति २०७५ माघ ८ गते मङ्गलबार ०८:०१
प्रतिक्रिया दिनुहोस