गाडीको ठक्करबाट १८ वर्षीया अनिमा कार्कीको मृत्यु, बाईक दुर्घटनामा परि एक युवकको मृत्युु

गाडीको ठक्करबाट १८ वर्षीया अनिमा कार्कीको मृत्यु, बाईक दुर्घटनामा परि एक युवकको मृत्युु

इ-परेवा

@Eparewa

२०७५ माघ ९ गते बुधबार ०४:०५

काठमाडौँ । राजधानीका भएको छुट्टौछुट्टै स्थानमा बुधबार भएको सवारी दुर्घटनामा दुईजनाको मृत्यु भएको छ । एक जना गम्भीर घाइते भएका छन् । सिनामङ्गलस्थित सडकमा बा१९च ९६४५ नम्बरको गाडीको ठक्करबाट सिनामङ्गलमा डेरा गरी बस्ने उदयपुर...

काठमाडौँ । राजधानीका भएको छुट्टौछुट्टै स्थानमा बुधबार भएको सवारी दुर्घटनामा दुईजनाको मृत्यु भएको छ । एक जना गम्भीर घाइते भएका छन् । सिनामङ्गलस्थित सडकमा बा१९च ९६४५ नम्बरको गाडीको ठक्करबाट सिनामङ्गलमा डेरा गरी बस्ने उदयपुर कटारी नगरपालिका ८ की १८ वर्षीया अनिमा कार्कीको मृत्यु भएको प्रहरीले जनाएको छ ।

उनी दुर्घटनामा गम्भीर घाइते भएकी थिईन् । काठमाडौँ मेडिकल कलेजमा उपचारका क्रममा मृत्यु भएको प्रहरी प्रधान कार्यालयले जनाएको छ । ठक्कर दिने गाडी चालकलाई प्रहरीले नियन्त्रणमा लिएको छ ।

यसैबीच काठमाडौँ महानगरपालिका– १ भाटभटेनीमा बा३०प २६४८ नम्बरको मोटरसाइकल आफैँ अनियन्त्रित भई सडक छेउको इनारमा खस्दा मोटरसाइकलमा सवार वसुन्धारामा डेरागरी बस्ने २३ वर्षीय शर्मा गुप्ताको मृत्यु भएको प्रहरीले जनाएको छ ।

दुर्घटनामा गम्भीर घाइते भएका उनको शिक्षण अस्पताल महाराजगञ्जमा उपचारको क्रममा मृत्यु भएको हो । दुर्घटनामा घाइते भएका मोटरसाइकल चालक २२ वर्षीय राजदेव चौधरीको सोही अस्पतालमा उपचार भइरहेको प्रहरीले जानकारी दिएको छ । रासस

प्रकाशित मिति २०७५ माघ ९ गते बुधबार ०४:०५
प्रतिक्रिया दिनुहोस