काठमाडौं :आईसीसी एकेडेमी दुबई रंगशालामा भएको एकदीवसीय श्रृंखला अन्तर्गत शनिबार भएकाे दाेस्राे खेलमा यूएईविरुद्ध जित निकालेको छ । टस जितेर ब्याटिङ गरेको नेपालले यूएईलाई १४५ रनले पराजित गर्‍यो । पूरै ५० ओभर खेल्दै नेपालले २४२ रन बनाएको थियो, नेपालले पुरै खेलमा ९ विकेट गुमाएको थियो ।

२४३ रनको चुनौती पछ्याएको युएईले ९७ रन मात्र बनायो । युएईले १९.३ ओभरमा सबै विकेट गुमाएको हो । नेपालको लागि सोमपाल कामीले सर्बाधिक पाँच र सन्दीप लामिछानेले चार विकेट लिए। खेलको कामी म्यान आफ दि म्याच नेपालका सोमपाल भए ।  

खेलमा कम उमेरमा अर्धशतक प्रहार गर्ने खेलाडीको रेकर्ड बन्यो । नेपाली क्रिकेटर रोहितकुमार पौडेलले कम उमेरमै अर्धशतक ब्याट्सम्यानको रेकर्ड बनाएका हुन । सात चौकाको मद्दतमा ५५ रन जोडेका हुन् । रोहितले यूएईविरुद्ध ५८ बलमा ५५ रन जोड्दा २७ वर्ष पुरानो रेकर्ड तोडिएको हो। उनले १६ वर्ष चार महिना २४ दिनमा अर्धशतक प्रहार गरेका हुन्।