अर्धनग्न अबस्थामा किशोरीको शव आफ्नै घरभित्र भेटियो

अर्धनग्न अबस्थामा किशोरीको शव आफ्नै घरभित्र भेटियो

इ-परेवा

@Eparewa

२०७५ माघ १५ गते मङ्गलबार ०१:१५

लहान-अर्धनग्न अवस्थामा सप्तरीको बलानबिहुल गाउँपालिका–४, बेल्हीकी एक किशोरीको शव आफ्नै घरभित्र भेटिएपछि प्रहरीले मृतकका बाबुलाई पक्राउ गरेको छ । सप्तरीको बलानबिहुल गाउँपालिका–४ की १६ वर्षीया सरिताकुमारी बडहीको शव अर्धनग्न...

लहान-अर्धनग्न अवस्थामा सप्तरीको बलानबिहुल गाउँपालिका–४, बेल्हीकी एक किशोरीको शव आफ्नै घरभित्र भेटिएपछि प्रहरीले मृतकका बाबुलाई पक्राउ गरेको छ ।

सप्तरीको बलानबिहुल गाउँपालिका–४ की १६ वर्षीया सरिताकुमारी बडहीको शव अर्धनग्न अवस्थामा आफ्नै घरमा भेटिएपछि प्रहरीले मृतकका बाबु तुरुन्तीलाल बडहीलाई पक्राउ गरेको हो ।
सरिताको शव सोमबार राति अर्धनग्न अवस्थामा आफ्नै घरभित्र फेलापरेको जनाइएको छ ।

घरको भित्रबाट चुकुल नलागेको, शव अर्धनग्न अवस्थामा रहेको र मृतकको शरीरको केही भागमा चोटपटक तथा गालामा दाँतले टोकेको जस्तो दागसमेत देखिएकाले घटना शंकास्पद लागेकाले मृतकका पिता तुरन्तीलाललाई पक्राउ गरी अनुसन्धान सुरु गरिएको इलाका प्रहरी कार्यालय कडरबोनाका प्रहरी निरीक्षक सुरेन्द्रकुमार श्रेष्ठले जानकारी दिए ।

शव परीक्षणका लागि लहानस्थित रामप्रसाद उमा स्मारक अस्पताल पठाइएको प्रहरीले जनाएको छ ।
शव भित्ताछेउमा खाटमुनि लडेको र मृतकका बाबु घरबाहिर बरन्डामा सुतिरहेको तथा मृतककी आमासमेत फरार रहेकाले घटना थप रहस्यमय भएको स्थानीयवासीले आशंका गरेका छन् । रासस

प्रकाशित मिति २०७५ माघ १५ गते मङ्गलबार ०१:१५
प्रतिक्रिया दिनुहोस