सन्दीपले ४ ओभरमा २७ रन खर्चिएर महत्वपूर्ण २ विकेट लिए

सन्दीपले ४ ओभरमा २७ रन खर्चिएर महत्वपूर्ण २ विकेट लिए

इ-परेवा

@Eparewa

२०७५ चैत १८ गते सोमबार ०४:१३

दिल्ली क्यापिटल्सबाट खेलिरहेका नेपाली युवा लेगस्पिनर सन्दीप लामिछानले आईपीएल क्रिकेटमा किंग्स इलाभेन पञ्जाबविरुद्ध २ विकेट लिएका छन् । चार ओभर बलिङ गरेका सन्दीपले २७ रन खर्चिएर महत्वपूर्ण दुई विकेट लिए । उनले साम कुर्रन र सर्फराज...

दिल्ली क्यापिटल्सबाट खेलिरहेका नेपाली युवा लेगस्पिनर सन्दीप लामिछानले आईपीएल क्रिकेटमा किंग्स इलाभेन पञ्जाबविरुद्ध २ विकेट लिएका छन् । चार ओभर बलिङ गरेका सन्दीपले २७ रन खर्चिएर महत्वपूर्ण दुई विकेट लिए । उनले साम कुर्रन र सर्फराज खानको महत्वपूर्ण विकेट दिलाए ।

 

 

 

सन्दीपले व्यक्तिगत पहिलो स्पेल दिएर टिमको चौथो ओभरमा बलिङ गरेका थिए । पहिलो बलमा एक रन दिएका सन्दीपले दोस्रो बल डट राखे । तेस्रो बलमा २ रन खर्चिएका सन्दीपले चौथो बलमा भने छक्का खाएका थिए । पाँचौ बलमा  कुर्रनलाई एलबीडब्ल्यू आउट गरे । कुर्रन १० बलमा २० रन बनाएर आउट भए । सन्दीपले पहिलो ओभरमा १० रन खर्चिएर समग्रमा एक विकेट लिए ।

 

 

 

सन्दीपले व्यक्तिगत दोस्रो ओभर लिएर टिमको सातौँ ओभरमा आएका थिए । सुरुका दुई बलमा मायंक अग्रवालले रन लिन सकेनन् । तेस्रो बलमा एक रन लिँदै अग्रवाल ननस्ट्राइक इनमा गएपछि क्रिजमा आएका सर्फराज खानले चौथो बलमा एक रन लिए । पाँचौं र छैटौं बलमा सन्दीपले एक-एक रन खर्चिए । व्यक्तिगत दोस्रो ओभरमा सन्दीपले चार रन दिएका थिए । तेस्रो स्पेल लिएर सन्दीपले १२ औं ओभरमा बलिङ गरेका थिए । उक्त ओभरमा उनले ९ रन खर्च गरे । अन्तिम बलमा डेभिड मिलरले छक्का प्रहार गरे पछि समग्रमा तीन ओभरमा २३ रन खर्चिए ।

 

 

 

पहिलो ओभरमा एक विकेट लिएका सन्दीपले दोस्रो र तेस्रो ओभरमा भने विकेट लिन सकेनन् । सन्दीपले १४ औं ओभरमा आफ्नाे अन्तिम ओभर बलिङ गरेका थिए । जसमा उनले पाँचौं बलमा सर्फराज खानको विकेट लिएका थिए । पाँचौ बलमा सन्दीपले सर्फराज खानलाई ऋषभ पन्तको हातबाट क्याच आउट गराएका थिए ।

प्रकाशित मिति २०७५ चैत १८ गते सोमबार ०४:१३
प्रतिक्रिया दिनुहोस