चितवन, ०७ बैशाख – नेपाल महिला चेम्बर चितवनमा समेत विस्तारित भएको छ । शुक्रबार आयोजित चितवन महिला चेम्बर गठन तथा अन्तर्कृया कार्यक्रम माझ चितवन महिला चेम्बरको नयाँ कार्यसमिति गठन भएको हो । चितवन महिला चेम्बर गठन भएसंगै नेपाल महिला चेम्बरको सदस्य संख्या पनि थपिएको छ ।
उक्त कार्यक्रमको उदघाटन नेपाल चेम्बर अफ कमर्शका अध्यक्ष राजेशकाजी श्रेष्ठले गरेका थिए । कार्यक्रमको उदघाटन पस्चात कार्यक्रमलाई सम्बोधन गर्दै अध्यक्ष श्रेष्ठले महिला उद्यमीहरुद्वारा उत्पादित वस्तु तथा सेवालाई अन्तरराष्ट्रिय बजारसम्म पहुच पुर्याउन नेपाल चेम्बरले सक्दो सहयोग गर्ने बताए ।
त्यस्तै महिला चेम्बरका अध्यक्ष उर्मिला श्रेष्ठले नवगठित समितिले महिला उद्यमीहरुलाई एकत्रित गरि महिलाको आर्थिक सशक्तिकरण र सुखी नेपाली समृद्ध नेपालको नारालाई सफल पार्न लागि पर्ने आशा ब्यक्त गर्दै हरेक क्षेत्रमा महिलाको सहभागिताबाट नै देश विकास हुने धारणा राखेकी थिईन ।

कार्यक्रममा भरतपुर महानगरपालिकाकी उपमेयर पार्वती शाहले महिला सशक्तिकरणका निम्ती महिलामा उदमशिताको विकास गर्न आवश्यक रहेको धारणा ब्यक्त गर्दै भरतपुर महानगर क्षेत्र भित्र महिला उदमशिलता विकास सम्बन्धी शिप विकास कार्यक्रमले ब्यापकता पाउदै गईरहेको बताईन् ।

कार्यक्रममा चितवन चेम्बरका अध्यक्ष दिर्घ कुमार श्रेष्ठले स्वागत मन्तब्य राख्दै चितवन जिल्लामा ब्यापार ब्यवसाय गर्दै आएका महिलाहरुको हितका निम्ती चितवन महिला चेम्बरले महत्वपूर्ण योगदान पुर्याउने धारणा ब्यक्त गरेका थिए ।

पाठकको नेतृत्वमा चितवन महिला चेम्बर

उक्त भेलाले अनुशा पाठकको अध्यक्षतामा चितवन महिला चेम्बर गठन गरेको छ । नवगठित समितिको उपाधय्क्षमा भवानी पंडित, महासचिबमा सिता सापकोटा, सचिबमा निरु कार्की, सह( सचिबमा मुना पाण्डे, कोशाध्यक्षमा पिँकी लामा र सदस्यहरुमा शर्मिला हमाल, छाया श्रेष्ठ, अन्जु लामिछाने, जुली श्रेष्ठ, सकिला परियार, मन्जु मकाजु श्रेष्ठ, चिनु बस्नेत, डा जेनी श्रेष्ठ, जमुना श्रेष्ठ, निशा ढकाल र गीता सेढाईलाई चयन गरेको छ ।

सो कार्यक्रममा नेपाल महिला चेम्बरका सल्लाहकारद्वय अन्जना ताम्राकार एबम निलम ताम्राकार, उपाध्यक्षद्वय सुश्मा शर्मा एबम अम्बिका शर्मा, सचिब लिमा अधिकारी, कार्यकारीणी सदस्यहरु सुश्मा श्रेष्ठ, रन्जु तन्डुकार, जानकी प्रधान, राज्य लक्ष्मी सिंह, सुश्मा आचार्य र शाखा अधिक्रित श्रीष्टि त्रिपाठी समेतको उपस्थिती रहेको थियो ।