पोखरा-गण्डकी प्रदेश मुख्यमन्त्री तथा मन्त्रीपरिषद् कार्यालयले बुधबार चालु आर्थिक वर्षको साउनदेखि मंसिरसम्म ५ महिनामा मन्त्री तथा उनीहरूका स्वकीय सचिवले बुझेको दैनिक भ्रमण भत्ता सार्वजनिक गर्‍यो ।

मन्त्री र स्वकीय सचिव प्रदेश राजधानी रहेको कास्की जिल्लाभन्दा बाहिर जाँदा दैनिक भ्रमण भत्ता पाउँछन । एकरात बास बस्नु परेमा मुख्यमन्त्रीले ३ हजार, अरू मन्त्रीले २५ सय र स्वकीय सचिवले १६ सय रुपैयाँ पाउँछन । बेलुकी फर्केमा त्यसको एक तिहाईमात्रै भत्ता पाउने व्यवस्था छ ।

यस अनुसार सबैभन्दा बढी मुख्यमन्त्री पृथ्वीसुव्वा गुरुङले १ लाख ३७ हजार २ सय ५० रुपैयाँ दैनिक भ्रमण भत्ता बुझेका छन्, उनको स्वकीय सचिव सूर्यप्रसाद गुरुङले २६ हजार ४ सय रुपैयाँ ।
भौतिक पूर्वाधार विकास मन्त्री रामशरणले बस्नेतले ९६ हजार ६ सय ५० रुपैयाँ, उनको स्वकीय सचिव निर्मल गुरुङले ५१ हजार २ सय रुपैयाँ ।
आर्थिक मामिला तथा योजना मन्त्री किरण गुरुङले ९६ हजार ८ सय ७५ रुपैयाँ, उनको स्वकीय सचिव रोमाकान्त पोखरेल ४७ हजार ६ सय रुपैयाँ ।
आन्तरिक मामिला तथा कानुन मन्त्री हरिबहादुर चुमानले ७४ हजार ३ सय ७५, उनको स्वकीय सचिब खुमबहादुर विक ४७ हजार ६ सय रुपैयाँ ।


भूमि व्यवस्था कृषि तथा सहकारी मन्त्री लेखबहादुर थापामगरले ४८ हजार ९ सय ७५ रुपैयाँ, उनको स्वकीय सचिब भरत खनालले ३० हजार ८ सय रुपैयाँ ।
उद्योग, पर्यटन, वन तथा वातावरण मन्त्री विकास लम्सालले ५३ हजार ६ सय २० रुपैयाँ, उनको स्वकीय सचिव किशोर सापकोटाले ३७ हजार ९ सय ८५ रुपैयाँ ।
सामाजिक विकास मन्त्री नरदेवी पुनमगरले जम्मा २० हजार रुपैयाँ, उनको स्वकीय सचिव वेगप्रसाद गर्वुजाले सबैभन्दा कम जम्मा ९ हजार २ सय रुपैयाँ बुझेका छन ।