रसिया-रुसकी इरिना ग्लादकिख हालसालै जेल परेकी छिन् । सौन्दर्य प्रतियोगितामा पनि भाग लिने गरेकी पूर्वसुन्दरी ३५ वर्षीया ग्लादकिख चेल्याबिन्स्क शहरकी बासिन्दा हुन् । उनले मस्कोनिवासी एक जना प्रहरीलाई आफ्नी १३ वर्षीया छोरीका उत्तेजक तस्बिर खिचाएर पठाएकी थिइन् ।

डाक्टरबाट छोरी कुमारी भएको प्रमाणपत्र पनि प्राप्त गरिन। उनले नाबालिग छोरीको कुमारीत्व करिब २७ लाख रुपैयाँमा बेच्ने प्रयत्न गरेकी थीइन । जनवरीमा उनी छोरी लिएर मस्को पुगेकी थिइन् । बालदुराचारी प्रमाणित भएका एक जना प्रहरीले उनको छोरीसँग यौन सम्बन्ध कायम गर्नका लागि मोटो रकम दिएका थिए । ग्लादकिखले पैसा हात पार्न पनि पाएकी थिइनन्, प्रहरीले उनलाई पक्राउ गरिहाल्यो ।

अदालतले उनलाई साढे चार वर्षको जेल सजाय दिएको छ । उनकी छोरीको कुमारीत्वको ग्राहक खोजिदिने काममा संलग्न अन्य दुई जनालाई साढे तीन वर्षको जेल सजाय तोकिएको छ ।

 

ग्लादकिखकी एक जना साथीले उनको जीवनशैली विलासी भएको बताइन् । ‘उनी महँगा र स्टाइलिस लुगा लगाउँथिइन्,’ ती साथीले भनिन्, ‘घरमा पार्टी गरिरहन्थिन् । चेल्याबिन्स्कको सौन्दर्य प्रतियोगितामा भाग लिएकी थिइन् । उनका छोरी र छोरा हाल हजुरआमासँग बस्छन्