भारतमा भैरहेको लोकसभा निर्वाचनको प्रारम्भिक चरणमा हेर्दा सत्तारुढ दल भारतीय जनता पार्टी(भाजपा) पुनः सत्तामा पुग्ने संकेत देखाएको छ।

एभीपी न्यूजका अनुसार ५४३ लोकसभा सिट मध्ये भाजपा एक्लैले ३२९ सिटमा अगाडि रहेको छ। एनडीएले ३१७ सिटमा अग्रता कायम गरेको छ। युपीए १०६ सिटमा अघि रहेको छ।नवभारत टाइम्सले पनि एनडीएले अग्रता लिइरहेको उल्लेख गरेको छ। नवभारत टाइम्सका अनुसार एनडीले २९९ सिटमा अग्रता कामय गरेको छ भने युपीएले १०६ सिटमा अग्रता कायम गरेको छ।

 

 

यस्तै भारतीय निर्वाचन आयोगको अनुसार उसले ५ सय ४३ स्थान मध्ये ५ सय ३७ स्थानमा रुझान सार्वजनिक गरेको छ। आयोगको तथ्यांक अनुसार भाजपा २ सय ७८ स्थान अग्रता कायम गरेको छ। विपक्षी दल कांग्रेसको ६३ स्थानमा आग्रता रहेको छ। त्यसैगरी आन्ध्र प्रदेशका क्षेत्रीय दल वाइसीआर कांग्रेसले २३ स्थानमा आग्रता कायम गरेको छ। त्यसैगरी पश्चिम बंगालमा त्रिणमुल कांग्रेस र तामिलनाडुको डिएमकेले २२ –२२ स्थानमा आग्रता कायम गरेको छ।

महाराष्ट्रमा शिव सेनाले १७ तथा जनता दल युनाइटेडले १५ स्थानमा जीत हासिल गरेको छ। त्यसैगरी उत्तर प्रदेशमा बहुजन समाज पार्टीका १५ र समाजवादी पार्टीले ९ स्थानमा आग्रता कायम गरेको छ। भाजपाले उत्तर प्रदेशमा केही स्थानमा पछि परे पनि पश्चिम बंगाल, उडिसा, उत्तर पूर्वी राज्यहरुमा त्यसमा क्षतिपूर्ति गरेको छ।

 

(सम्बन्धित समचारहरु)

* तपस्याका लागि गुफा पसे मोदी

लोकसभा निर्वाचनमा अन्तिम चरणको मतदान अगाडि भारतीय प्रधानमन्त्री नरेन्द्र माेदी तपस्या गर्न केदारनाथ पुगेका छन् । शनिबार केदारनाथ मन्दिरको गुफामा तपस्यामा बसेका हुन् । बिहान उनी देहरादुन गएका थिए, जहाँबाट हेलिकोप्टर लिएर केदारनाथ पुगेका हुन् ।

बिहान केदारनाग पुगेपछि उनले त्यहाँ पूजा गरेका थिए । पूजापछि उनले केदारनाथ क्षेत्र विकासको गुरुयोजनाबारे जानकारी लिएका थिए । यसपछि उनी तपस्यामा बसेका हुन् । शुक्रबार लोकसभा चुनावको प्रचारप्रसार सकिएपछि उनी शनिबार बिहानै उत्तरखण्डमा पुगेका थिए ।

तीर्थस्थल केदारनाथको दर्शन गरिसकेपछि उनी ध्यान गर्नका लागि एक पवित्र गुफामा पसेका हुन् । प्रधानमन्त्री भएपछि मोदीको यो चौथो केदारनाथ भ्रमण हो ।उनको तस्बिर भारतीय सञ्चारमाध्यमहरुमा सार्वजनिक भएपछि विभिन्न टिक्काटिप्पणीहरु आइरहेका छन्।

‘ध्यान कुटिया’ नाम गरेको उक्त गुफामा मोदी शनिबार रातभर बस्ने र आइतबार बद्रीनाथको दर्शनका लागि जाने ‘द हिन्दुस्तान टाइम्स’ले उल्लेख गरेको छ। भारतीय लोकसभाको मतगणना मे २३ तारिखबाट सुरु हुँदै छ।शुक्रबार मोदीले प्रधानमन्त्री भएपछि पहिलोपटक पत्रकार सम्मेलनसमेत गरेका थिए। पत्रकार सम्मेलन गरेपनि पत्रकारहरुले सोधेको प्रश्नको जवाफ नदिएको भन्दै उनको आलोचना भइरहेको छ।

 

* गुफा भित्र बसेका “मोदी” विरुद्ध उजुरी

भारतीय प्रधानमन्त्री नरेन्द्र मोदीले निर्वाचन आचार संहिताको उल्लंघन गरेको भन्दै निर्वाचन आयोगमा उजुरी परेको छ। प्रतिपक्षी दल कंग्रेस आईका सांसद प्रदीप भट्टाचार्यले मौन अवधिमा मोदीको केदारनाथ र बद्रीनाथ भ्रमणको मिडिया कभरेजले आचारसंहिता उल्लंघन गरेको भन्दै उजुरी हालेका छन्।

‘केदारनाथ भ्रमणबारे जसरी मोदीले मिडिया कभरेज गराए त्यो अरू केही होइन आचारसंहिताको उल्लंघन हो ।सबै मिडियामा उनको भ्रमण छाएको छ। मतदानको अघिल्लो दिन यस्तो गर्नु के मतदातालाई प्रत्यक्ष वा अप्रत्यक्ष प्रभाव पार्ने तरिका होइन,’ भट्टाचार्यले भने,‘उनको भ्रमणका हरेक क्षणका कुरा लाइभ प्रसारण भएका छन् ।

यसमा मतदातालाई प्रभाव पार्ने कुत्सित मनसाय छ, जुन गलत हो।’ तृणमूल कंग्रेस पार्टीले पनि मोदीले आइतबार बिहान केदारनाथमा मिडियालाई गरेको सम्बोधनले आचारसंहिता उल्लंघन भएको भन्दै आयोगमा उजुरी गरेको छ।गत अप्रिल ११ देखि सुरू भएको भारतीय लोक सभा चुनावको अन्तिम चरणको मतदान आइतबार हुँदैछ। जसमध्ये मोदी उम्मेद्वार रहेको उत्तरप्रदेशको वनारस पनि एक क्षेत्र हो।

मोदीको भारतीय जनता पार्टी हिन्दूत्वको नारा लिएर राजनीति गरिरहेको छ। गुजरातका मोदी आफैं पनि हिन्दूहरूको धार्मिक तिर्थस्थल उत्तर प्रदेशको बनारसबाट चुनाव लडेका छन्।तिनै हिन्दू मतदाताको ध्यान तान्न मोदी शनिबार हिन्दुहरूका चार धाममध्येको एक केदारनाथ पुगे। उनले केदारनाथमा प्रधानमन्त्रीको रूपमा त्यहाँ भइरहेको पुनर्निर्माणको निरीक्षण गरे अनि केहीबेरमा प्रधानमन्त्रीबाट तपस्यी बने।

पहेँलो सल ओढेर उनी ध्यान गर्ने भन्दै ११ हजार ७ सय फिट उचाइमा रहेको गुफाभित्र पसे।प्राय: ध्यान एकान्तमा गरिन्छ र बाँकी भौतिक दुनियाँबाट आफूलाई विच्छेद गर्ने प्रयत्न गरिन्छ। तर मोदीको ध्यान भने फरक थियो। उनी गुफाभित्र पस्नासाथ ध्यान गरिरहेको तस्बिर सञ्चारमाध्यममा छाइसकेको थियो।

त्यसपछि उनको ध्यान समाचारको शीर्षक र सामाजिक सञ्जालमा चर्चापरिचर्चाको विषय बन्यो। उनको यो शैलीलाई कतिपयले हिन्दू मतदातालाई प्रभाव पार्न गरिएको प्रचारको एक हिस्सा ठानेका छन्।मोदी कुनै सामान्य गुफामा ध्यान बसेका होइनन्। समाचारपत्र टाइम्स अफ इन्डियाका अनुसार उक्त गुफामा ध्यान गर्ने मोदी पहिलो व्यक्ति हुन्। मोदीको ध्यानका लागि गुफामा व्यापक प्रबन्ध गरिएको थियो।

सिसिटिभी जडान गरिएको थियो। उक्त सिसिटिभीका दृश्यलाई बाहिर बसेका सुरक्षाकर्मी निरन्तर अवलोकन गरेका थिए।गुफाभित्र ओछ्यानसहितको एउटा कोठाको व्यवस्था छ। सोही कोठामा अट्याच बाथरूम पनि छ। सँगै ध्यान गर्न खाली जमिन छ भने कोठाको झ्यालबाट बाहिरको सुन्दर दृश्य देखिन्छ।

मोदीले गुफाभित्र रातभरि ध्यानमात्र गरे कि निदाए भन्ने खुलाइएको छैन। ‘म भगवानसँग कहिले पनि केही माग्दिनँ, म यहाँ शान्ति, प्रार्थना र ध्यानका लागि आएको हुँ,’ आइतबार बिहान मोदीले सञ्चारकर्मीसँग भने। उनी आइतबार उत्तराखण्डमै पर्ने अर्को धाम बद्रीनाथ जाने कार्यक्रम रहेको भारतीय सञ्चारमाध्यमले जनाएका छन्।

उनको यो तिर्थाटनलाई निजी भ्रमण भनिएको छ।मोदी उम्मेदवार रहेको बनारसलगायत ५९ सिटमा आज लोकसभाका लागि मतदान हुँदैछ। आज हुने सातौं चरणको मतदानसँगै अप्रिल ११मा सुरू भएको भारतीय लोकसभाको मतदान प्रक्रिया सकिनेछ। भारतीय निर्वाचन आयोगले आगामी बिहीबार लोकसभा चुनावको मतपरिणाम सार्वजनिक गर्ने जनाएको छ।